علاج و متابعة مرضى الضغط
هو الضغط الصح كام يا دكتور !؟
الضغط القليل أخطر ولا العالي ؟
اسئلة بنسمعها يوميا لازم نكون عارفين اجابتها
الضغط المثالي بيكون حوالى ١٢٠/٨٠.
_الضغط المنخفض أقل من ٩٠/٦٠
الضغط العالي أكتر من ١٤٠/٩٠
_الضغط المنخفض لو مش عامل أعراض “مش لازم” تعالجه وعيش حياتك عادي
الضغط العالي ضروري ناخدله علاج حتي لو مش عامل اعراض …
_ الضغط المنخفض لا يسبب تلف بأنسجة الجسم ولا له مضاعفات جانبية خطيرة على المدى البعيد (ودة اهم حاجة)
الضغط المرتفع يسبب تلف بأنسجة الجسم زي العين والمخ والكلى والقلب وله مضاعفات جانبية خطيرة
طب ايه اعراض الضغط المنخفض ده !؟
أعراضه دوخة وتعب و ممكن ضربات قلب سريعة مع أقل مجهود وشعور بالإغماء خصوصا مع الوقوف مدة طويلة او التعرض لحرارة الشمس
_الضغط القليل ده علاجه ايه بقا
ضروري نشرب ماء وسوائل (٣ لتر يوميا) وأكل فيه ملح معتدل
نشرب فنجان أو اتنين قهوة يوميا
وتغذية سليمة وممارسة الرياضة لتقوية عضلات الجسم وخصوصا الساقين
وأخر حاجة نلجأ لها العلاج الدوائي
